ديج ستمبل ابون لينكد ان يوتيوب فليكر فيس بوك تويتر التغذية استعادة

كلمات أغنية الناس اجناس – سمير صفير مع التحميل

الناس اجناس - سمير صفير

الناس اجناس – سمير صفير

كلمات أغنية الناس اجناس – سمير صفير مع التحميل

 

هالأرض فيها من البشر أجناس
في بشر ناس و في بشر مش ناس
في ناس دوم جبينها عالي
و في ناس لازم بالقدم تنداس
في ناس راسها من العقل خالي
بدل الفكر بعقولهم وسواس
في ناس لازم ياكلوا نخالة
و في ناس بين عيونها بتنباس
في ناس عم يمشوا متل آلة
شكلها حلو جوّا تنك و نحاس
في ناس خلقوا معدنُن غالي
و عندُن قصر أغلى من الألماس
في ناس قضّوا العمر بطّالة
كانوا عَ خزنة فاضية حرّاس
في ناس هودي بيشغلوا بالي
عندُن جسم لكن ما عندُن راس

في ناس فوق الخيل خيّالة
قلبُن بأرض المعركة متراس
في ناس للأسرار طبّالة
بيحكوا حكايا بتحبس الأنفاس
في ناس للأخبار نقّالة
روحُن أكيدة مخاوية الأنجاس
في ناس لو سهروا مع الوالي
عندُن وزن بالجوهر بينقاس
و في ناس عقلُن كومة زبالة
ما الن دوا إلّا عصا الكنّاس
في ناس خلقوا عَ الدّني عالة
في ناس عبّوا من الدّهب أكياس

هيدي البشر عندُن ألف حالة
عندُن وفا و بقلوبهُم إحساس
في ناس من الأخلاق ميّالة
في بشر ناس و في بشر مش ناس
لتحميل الفيديو من هنا

لتحميل الصوت فقط من هنا

 

 

122,571 total views, 2 views today

على “كلمات أغنية الناس اجناس – سمير صفير مع التحميل”

  1. rola-diab
    2012/10/24 الساعة 2:53 مساءً #

    في بشر ناس وفي بشر مش ناس ، اغنية رائعه جدا

  2. 2017/07/22 الساعة 5:52 مساءً #

    و عندُن قصر أغلى من الألماس

    المفروض عندن اصل وليس قصر

    هيدي البشر عندُن ألف حالة

    المفروض هيك البشر وليس هيدي البشر

اضف تعليقك